03 fevral 2016-cı il tarixində Zirə Mədəniyyət Mərkəzi Eko Parkda Xəzər rayon İcra Hakimiyyəti, YAP Xəzər rayon Təşkilatı və rayon Gənclər İdman İdarəsinin təşkilatçılığı ilə "2 Fevral Azərbaycan Gənclər Günü" çərçivəsində  Azərbaycanın Xalq rəssamı, məşhur heykəltəraş Ömər Eldarovun yaradıcılığının görkəmli əsərləri – heykəllərindən ibarət foto sərgi nümayiş olunmuşdur.

       Qonaqlar Mərkəzlə tanış olmuş, bir il ərzində qazanılan uğurlar, əldə olunan yeniliklər barədə məlumat almışlar. Art-Studiya ilə tanış olan qonaqlar gənc rəssamların əl işlərinə böyük diqqət göstərmiş, uğurlu işləri dəyərləndirmişlər.    
       Tədbirdə Xəzər Rayon İcra Hakimiyyəti başçısının müavini Arif  Balayev, Millət Vəkili Rauf  Əlyev, YAP Xəzər rayon Təşkilatının sədri Namiq Əhmədov, Azərbaycan Dövlət Rəssamlıq Akademiyasının rektoru Ömər Eldarov, prorektor Salhab Məmmədov, heykəltəraş Fuad Salayev, RİH Başçısı Aparatının şöbə müdirləri və rayon gəncləri iştirak etmişlər.
       Tədbirdə çıxış edən Xəzər rayon İcra Hakimiyyəti Başçının müavini Arif Balayev, Millət vəkili Rauf  Əliyev, Yeni Azərbaycan Partiyası Xəzər rayon Təşkilatının sədri Namik Əhmədov, Xəzər rayon Gənclər və İdman İdarəsinin rəisi Vüqar Əliyev və Xalq rəssamı, məşhur heykəltəraş Ömər Eldarov gəncləri təbrik edərək onlara gəlcək həyatlarında uğurlar arzulamışlar.  Gənclər siyasəti sahəsində keçirilən tədbirlərdə fəallığına görə Mərkəzimizin bir neçə işçisi, Əliyeva Ləman, Yunusova Elnarə, Bayramova Fərqanə və Rüstəmov Məzahir  diplomlarla mükafatlandırılmışlar. Tədbir konsert proqramı ilə davam etmişdir.