28 Mart tarixində “Gömrükçü” İdman Klubunun təşkilatçılığı ilə  Sərhədçi İdman Kompleksində bədii gimnastika idman növü üzrə “Gömrükçü Bahar Kuboku” adlı Açıq Birinciliyi keçirilmişdir. Azərbaycan Gimnastika Federasiyası ilə birgə təşkil olunmuş yarışda paytaxt və bölgələrdən 160 gimnast iştirak etmişdir.

Birincilikdə  Zirə Mədəniyyət Mərkəzi MMC-ni bədii gimnastika dərnəyinin 2008-ci il təvəllüdlü A kateqoriyasında gimnastı Mahmudova Xumar, 2011-ci il təvəllüdlü gimnastları Ağayeva Yağmur və Babayeva Lamiyə təmsil etmişlər. 2011-ci il təvəllüdlü gimnastlar sırasında alətsiz, halqa və topla çıxışların cəmində çoxnövçülükdə alətsiz hərəkətlərdə Babayeva Lamiyə fəxri kürsünün birinci pilləsinə qalxmağı bacarmışdır.

2001-ci ildən yuxarı təvəllüdlü gimnastlar fərdi çıxış etmişlər. Onlar ip, halqa, top, gürz və lentlərlə hərəkətlərdə güclərini sınamışlar. Bu çıxışlar sırasında 2008-ci il təvəllüdlü gimnastımız Mahmudova Xumar halqa ilə hərəkətlərdə fəxri kürsünün II pilləsinə qalxmışdır.