19 fevral 2016-cı il tarixində Xəzər rayonu Zirə qəsəbəsində Heydər Əliyev Fondunun unikal layihəsi əsasında inşa edilmiş Zirə Mədəniyyət Mərkəzi – Eko Parkda “Daha yaşıl Azərbaycan üçün əl-ələ ” adlı layihə həyata keçirildi. İlk layihə Nüsrət Yaqubov adına 120 saylı tam orta məktəbin ibtidailəri ilə başladı. Məqsədimiz Azərbaycan ərazisinin yaşıllıq zolağını artırmaq və ekoloji təmizliyi qorumaq məqsədilə ətraf mühitin çirklənməsinin qarşısını almq və bu işə azyaşlı və yeniyetmələri cəlb etmək layihəmizin əsas məqsədlərindən biridir. Təbiətin flora və faunasını qorumağı bu yaçlarda uşaqlara təbliğ etmək və bunu ənənə halına çevirməkdir. Uşaqlar ilk öncə Zirə Mədəniyyət Mərkəzi Eko parkın ərazisi ilə tanış oldular.Mərkəzdə yerləşən İDEA resurs mərkəzi otağında uşaqlar ekoloji maariflənmə işinin sirlərini, incəliklərini mərkəzin yaşıllaşdırma mütəxəssisi ilə müzakirə etdilər, bilib bilmədiklərini öyrənib məlumat topladılar. Daha sonra Eko park ərazisində ayrılmış xüsusi yaşıllıq sahəsində xatirə ağacı əkdilər.Ekskursiyta Zirə Gülçülükdə davam etdi. Uşaqlar burada otaq və çöl gülləri, müxtəlif kollar və ağaclarla tanış oldular. Otaq güllərinin istixana şəraitində necə yetişdilildiyi haqqında məlumat aldılar.Zirə Gülçülük balaca bağbanlara dibçəkdə güllər hədiyyə etdi.