09 İyun tarixində Milli Gimnastika Arenasında kişi və qadın idman gimnastikası üzrə 24-cü Bakı çempionatı və Azərbaycan birinciliyi, həmçinin akrobatika gimnastikası üzrə 24-cü Azərbaycan birinciliyinə start verilib. İki gün davam edəcək turnirdə ümumilikdə 134 gimnast Bakı Gimnastika Məktəbi, Respublika Olimpiya İdman Liseyi, "Ocaq" Sport Klubu, "Neftçi" İdman Klubu, Nizami rayonu İdman Məktəbi, Balakən, Şabran və Sumqayıtı təmsil edirlər. Bu birincilikdə ilk dəfə olaraq Zirə Mədəniyyət Mərkəzinin gənc yetişdirməsi Nurcan Əhmədova da yeni başlayanlar kateqoriyasında iştirak edib. O, Qadın İdman Gimnastikası üzrə yarışların fəxri kürsüsünün III pilləsinə qalxmışdır.