22 dekabr tarixində Zirə Mədəniyyət Mərkəzi Eko-Parkda İDEA İctimai Birliyi Heydər Əliyev Fondunun vitse-prezidenti Leyla xanım Əliyevanın təşəbbüsü ilə valideyn himayəsindən məhrum, əllil və kimsəsiz uşaqlar üçün Yeni İl şənliyi təşkil etmişdir. Tədbirdə həmçinin Azərbaycan Uşaq Forumunun bir qisim iştirakçıları da qonaq olmuşlar. Tədbir iştirakşıları Mərkəzlə tanış olmuş, Tədris Bölməsi və Xalça Muzeyi barədə geniş informasiya almışlar. Qonaqlar ZirəCinema kinozalında Azərbaycan təbiətinə həsr olunmuş “Ağgöl” dokumental filmini maraqla izləmişlər. Eko-Park ərazisində xatirə ağacl və gül əkərək “Orxideya Evi”ndə nahar süfrəsinə əyləşmiş və əyləncələrə qatılmışlar. Ailə, Qadın və Uşaq Problemləri üzrə Dövlət Komitəsinin sədri Hicran Hüseynova və Leyla xanım Əliyeva uşaqların əyləncəsinə qoşulmuş, onlarla söhbət edərək sevinclərini bölüşmüşlər.