17-18 noyabr tarixlərində Milli Gimnastika Arenasının köməkçi zalında Kişi və Qadın İdman Gimnastikası üzrə Açıq Azərbaycan Çempionatı və Bakı Birinciliyi, eyni zamanda Akrobatika Gimnastikası üzrə Azərbaycan Çempionatı təşkil olundu. 2 gün boyunca davam edən bu turnirdə ümumilikdə 150-dən çox idmançı çempion adı uğrunda mübarizə apardı. Bu mübarizədə idmançılar Bakı Gimnastika Məktəbi, “Ocaq Sport” Klubu, Respublika Olimpiya İdman Liseyi, Sumqayıt şəhəri və Zirə Mədəniyyət Mərkəzi – Eko-Parkı təmsil etdilər. Zirə Mədəniyyət Mərkəzini 2011-ci il təvəllüdlü Haşumova Sabrina uğurla təmsil etmişdir.