Zirə Mədəniyyət Mərkəzi - EKO Parkın təşkilatçılığı ilə bədii gimnastika üzrə “Summer Sun” adlı III Zirə Açıq Birinciliyi keçirilmişdir.
Zirə Mədəniyyət Mərkəzi - EKO Parkın təşkilatçılığı ilə bədii gimnastika üzrə “Summer Sun” adlı III Zirə Açıq Birinciliyi keçirilmişdir. 120 №li məktəbin idman zalında təşkil olunmuş yarışda Bakı idman klublarından “Zirə”, “Şağan”, “Zabrat”, “AyUlduz”, “Su İdman Sarayı” və Azərbaycanın müxtəlif regionlarından Ağdaş, Göyçay, İsmayıllı, Mingəçevir, Masallı, Kürdəmir, İsmayıllı, Şirvan, Qusardan olan 80 gənc gimnast fərdi və qrup şəklində iştirak edərək öz çıxışlarını nümaiş etmişlər. Yarış Azərbaycan Respublikasının dövlət himninin səsləndirilməsi ilə başladı. Açılış mərasimində Zirənin “Bakının İşıqları” rəqs qrupu “Süita”rəqsi, Kişi İdman Gimnasları nümunəvi çıxışlarını təqdim etmişlər. Mingəçevir komandası “Arşın mal alan” operettasından “qızların rəqsi” parçasını nümaiş etdirmişlər. 12 Yarışın birinci hissəsində 2011-2013- cü il təvəllüdlü gimnastlar çıxış etmişlər. Mərkəzin təmsilçiləri C qrupunda 2014-cü il təvəllüdlü gimnastlar arasında alətsiz çıxışlar üzrə Həsənzadə Mədinə I yerə, həmçinin C qrupunda alətsiz çıxışlar üzrə 2012-ci il təvəllüdlü Cabarlı Taclıbəyim II yerə laiq görülmüşlər. A qrupunda çoxnövçülükdə 2007-ci il təvəllüdlü Eyvazlı Şəfiqə uğurlu çıxışları ilə hakimlərin diqqətini cəlb edə bilmiş və iştirakına görə təşəkkürnamə ilə təltif olunmuşdur.
