Meksika Birləşmiş Ştatlarının Azərbaycan Respublikasında fövqəladə və səlahiyyətli səfiri Xuan Rodriqo Labardini Flores 30 avqust tarixində Zirə
Mədəniyyət Mərkəzi - EKO Parkın qonağı olmuşdur. Mərkəzlə tanış olarkən burada məktəbli və tələbələr üçün yaradılmış kurslar və şəritlə yaxından maraqlanmışdır. Xalça Muzeyində nümaiş edilən “Qədim xalılar” və “Bakı qrupu yeni çeşnilər” ekspozisiyası cənab səfirin diqqətini cəlb etmişdir. Çay süfrəsi ətrafında mərkəzin rəhbərliyi və işçi kollektivi ilə söhbət zamanı, Meksikanın tanıdılması, birgə mədəni və kütləvi tədbirlərin keçirilməsi və bir sıra
digər məsələlər barəsində danışıldı. Gələcəkdə sıx əməkdaşlıq edilməsi barədə razılığa gəlindi. Səfir Rodriqo Labardini “Xatirə bağı”nda ağac əkmişdir. Mərkəz adından cənab səfirə “Yaxın-Uzaq Zirə” və “Bakı xalçaları: Yeni çeşnilər” kitabları hədiyyə verilmişdir. Sonda cənab səfirlə kollektiv şəkil çəkilmişdir.